UN APERÇU EN LATIN : PRAECLARI DIES STRATAETALI CLAVO FIXI
Annabella Turta in rupinis Strataetalensibus nocte ambulabat. Subito aggreditur, occiditur, praecipitatur. Secundus Anselmus Vlbecus, mactatus quoque, ceruicibus clauo pertusis, in aeroplano arenato inuentus est. Tertius ille clarus scriptor, G. Mauricius Rufus, eodem modo necatus est. Totus uiculus balnearius tremit.
A quo tam horrenda crimina perpetrata sunt ? Cur ? Quousque tandem quidam percussor abutetur patientia omnium qui Strataetali domicilium, aestate tantum sicut per annum totum, habent ?
Commissarius securitatis publicae Georgius Facdherba de inquisitione inter homines miros uel amabiles aequo animo curat, juueni amœnoque uigilium legato Hieronymo Partico adiuante, donec freti Gallici litoris adspectus mutatus sit.
Haec leporis nigri fabula criminalis – margarita ante exquisitissimos animos -, a Normannico auctore scripta recenterque edita, translatione in linguam latinam adhuc caret . O nos infelices !